Wenn de Pogg op Plattdüütsch quakt
un de Stint op Stelzen stakt,
wenn de Haas op Eier sitt,
un de Goos Grimassen snidd,
dat is en verdreihte Katt.
Sühst du woll, nu weetst du dat!
Tüdelbüx, wat snackst du dor?

So beginnt eines meiner vertonten Gedichte für Kinder. Auf dieser Seite werde ich immer mal wieder neue Gedichte oder Liedtexte zu verschiedenen Anlässen vorstellen, zum Beispiel zu Weihnachten oder Ostern(„Wiehnachten bi de Deerten“, "Hein Oosterhaas"), zu Erlebnissen, oder zu den Jahreszeiten.Einige Gedichte wurden vertont („Brummer Hinnerk, du büst dusselig…“, "Jan Fiete Pogg, ...", "Wenn de Sünn schient op de Eer, ...").


Maisebber

Maisebber, fleeg nich weg,
sünst kann ik di nich griepen!
Ik heff för di'n Pappkarton,
den bind ik to mit Sliepen.

Pack Bläder rin, so recht kommod,
mook in den Deckel Löcker.
So hest du ganz bestimmt ken' Noot,
kriggst Luft un warst ok klöker:

Üm dat ik di dat Danzen lehr,
op Twiegen balanceern.
Un wenn du denn recht oordig büst,
söök ik di ok 'n Deern.

Nu wies, wat büst du för 'n Kerl?
Büst du en Schosteenfeger?
En Bäcker oder Sniedersmann?
Dat mookt nix, is nich leger.

De Bläder vun den Bökenboom
kriggst du vun mi to freten.
Ik heff di lev bit in mien Droom!
Dat schallst du geern wull weten!

Dreih di nich üm! Wat maakst du dor?!
Wat schall dat nu wull warrn?
Ach, kiek, du pumpst de Flögel op.
Wullt du mi sachtens narr'n?

Nu brummst du los un flüggst 'n Stück,
kümmst al den Heven neger.
Dat hölpt nu nix, ik wünsch di Glück!
Atschüss, mien lütten Fleger!


Ein Abzählreim: Den können Sie notfalls auch verkürzen, wenn die Länge die Kinder überfordern sollte.
Entweder: Einfach die erste und die dritte Strophe kombinieren. Dabei müsste die 3. Strophe so beginnen: Du hest de an dienen Foot, ....
Oder:  Sie kombinieren die 2. und die 3. Strophe, dann bleibt der Text so, wie vorgegeben.

Afmel-Riemel

Lackschoh, Holtschoh un Sandolen,
ik will hüüt mien'n Schoh besohlen,
för mien Foot, för mien Been.
Wokeen hett mien Schoh woll sehn?

Een, twee, dree, veer, fief, söss, söven,
Wo is denn mien Schoh blots bleven?
Is nich hier un is nich dor,
is bi di, dat is nu kloor.

Hest em al an dienen Foot,
un de passt di gor nich goot.
Treck em lever wedder ut,
denn büst  -   du  -  rut!